[Chennai Trekking Club] CTC Ainthinai – Grow Your Own Saplings – Success Stories

Kalaiselvi Sivakumar இயற்கையோடு வாழ வேண்டும் என்று படிப்பது வேறு, வாழ்வது வேறு. இயற்கையே தெய்வம் என்று படித்த எனக்கு, Chennai Trekking Club மூலம் இயற்கையோடு வாழ சந்தர்ப்பம் கிட்டியவுடன், சட்டென்று பற்றிக்கொண்டேன் என்றே சொல்ல வேண்டும். அதன்தொடர்ச்சியாக ஐந்திணை குழுவுடன் இணையும் வாய்ப்பு அமைந்தது. சனி , ஞாயிறு ஓய்வு நாட்களில் அதிகாலையிலேயே மரக்கன்றுகள் நடுதல், பராமரித்தல் என்று விரிந்த போதும், மனது குதூகலம் அடைந்தது. வீட்டிலேயே நாமே மரக்கன்றுகள் வளர்த்துக் கொடுக்கலாம் என்ற போது பெற்ற ஆனந்தத்தை வார்த்தைகளால் சொல்ல இயலுமா என்று தெரியவில்லை.இயற்கைக்கே நாம் தாயாகிறோமா என்ற வியப்பே மிகுதியாக இருந்தது. இரண்டு மூன்று வார காலம் பிரசவ காலம் போலவே பொருத்திருந்து, முளைத்த கன்றுகளை பார்த்த போது, ஈன்ற பிள்ளையைப் போன்றுதான் உணர்வைப் பெற்றேன். அது என் மகள்பிறந்த நாளாக அமைந்ததை என்னவென்று சொல்லுவது? GYOS என்னும் what’s up group ல் எல்லோரும் படங்களைப் பகிர்ந்துகொண்ட போது கூட, ஏன் என் மரக்கன்றுகள் செழித்து வளரவில்லை, என்ன செய்யலாம் என்று தகவல்கள் பகிர்ந்து கொண்டோம். சில வளர்ந்தன சில மாண்டன, எனினும் எனக்கு முயற்சி விட மனமில்லை. கொடுத்த கன்றுகள் வளரவில்லை என்றால் என்ன, நமக்கு கிடைத்ததை வளர்ப்போம் என்று இப்போது மா, பலா, அரசு, ஆல், அத்தி என இருபதிற்கும் மேல்பட்ட கன்றுகள்(குழந்தைகள்) உள்ளன. இவை எங்கோ யாருக்கோ நிழல் தரப்போகின்றன வாழியவே, என்று வாழ்த்தி வளர்ப்பதில் உள்ளமகிழ்ச்சியை உங்களுடன் பகிர்ந்து கொள்கிறேன். ஐந்திணைக்கு மனம் நிறைந்த நன்றிகள்.…

Continue Reading →